Lan istripu bat izan da Nuarbeko Eizagirre auzoan

Lan istripu bat izan da gaur goizean Nuarbeko Eizagirre auzoan. Ertzaintzak Gukari baieztatu dionez, pertsona bat zauritu da makina batekin lanean ari zela. Ez dute konfirmatu istripua gertatu den leku edo gune zehatza. Dena den, Udaltzaingoak jakinarazi duenez, behargina atzerako hondeamakina batekin ari zen lanean istripuaren unean.  Udaltzainak, ertzainak, anbulantziak eta suhiltzaileak bertaratu dira istripuaren lekura. Ertzaintzaren arabera, osasun zentro batera eraman dute zauritutako pertsona.