Gaur, San Joan bezpera, ohiturari segituz, Azpeitiko plazan ere sua piztuko dute. Usadioari eutsiz, herriko auzoetan eta baserri atarietan ez ezik, plazan ere suaren bueltako festa izango da. 22:00etan hasiko da ekitaldia, eta Itsasi dantza taldeko kideak ariko dira dantzan.
Egun handiak Urrestillan
Festa nagusia, baina, Urrestillan izango da gaur iluntzetik aurrera. Gauerdian lizarra sartuko dute plazan, eta sua ere piztuko dute. 21:00etan pregoia irakurri eta suziria botako dute, eta ondoren, herri afaria egingo dute. Gero, gauerdia pasatuta, Laket taldek erromeria eskainiko du.
Hara joateko eta Urrestillatik Azpeitira itzultzeko autobus zerbitzu berezia izango da gaur. 19:15ean eta 20:40an aterako dira autobusak Azpeititik, eta bueltako autobusak 03:30ean eta 06:30ean izango dira.
Hona hemen Urrestillako datozen egunetako egitaraua:
Gaur, San Joan bezpera
- 21:00. Pregoia eta jaien hasierako suziria.
- Ondoren, herri afaria.
- 00:00. San Joan zuhaitza sartzea.
- 00:30. San Joan sua piztea eta suaren inguruan dantzaldia.
- Jarraian, Laket taldearekin erromeria.
Bihar, San Joan eguna
- 09:00. Trikitilari gazteen kalejira.
- 12:00. Prozesioa eta meza.
- 13:15. Buruhandien kalejira.
- 19:00. Kontzertuak: Andoni Ollokiegi, Labankada eta DJ Fury.
Etzi, San Joan Txiki eguna
- 12:30. Sagardo dastaketa.
- 14:00-14:45. Mus Txapelketarako izen-ematea.
- 15:15. Mus Txapelketa.
- 16:00. Puzgarriak.
- 17:30. Merienda.
Ekainak 26, osteguna, San Joan Hirugarrena
- 17:00. Umeentzako jolasak.
- 18:30. Patata tortilla lehiaketa.
- Ondoren, zuhaitzaren entierroa.