Gaur hasiko da Donosti Cup futbol txapelketa. Guztira, 30 herrialdetako 900 taldek parte hartuko dute torneoan, eta horietatik 200 izango dira emakumeek osatutakoak. Denera, gutxi gorabehera, 16.000 pertsona bilduko ditu txapelketak. 2.000 partida inguru jokatuko dituzte datozen egunetan Gipuzkoako 60 futbol zelai baino gehiagotan, tartean Urola Kosta eskualdekoetan.
Azpeitiko Garmendipe futbol zelaiak ere hartuko ditu horietako zenbait partida. Hain justu, bihartik ostiralera arte egunero izango dira partidak han. Bihar, esaterako, 11:00etan jokatuko dute lehen partida Tolosak eta CSF Team B taldeak. Bihar, sei partida jokatuko dituzte Garmendipen, hiruna asteazkenean nahiz ostegunean, eta bederatzi, ostiralean.
Honako lotura honetan ikus daitezke Garmendipe futbol zelaian jokatuko diren partiden ordutegiak.