Israel Gazan egiten ari den sarraskiak ez du etenik, eta 21 hilabete betetzera doan erasoaldi ankerra salatzeko Elkar-ekinen deialdiek ere ez.
Atzo, hilerotsu ohi dutenez, saihesbideko Sanjuandegi pareko biribilgunea hartu zuten hainbat herritarrek, Palestinari elkartasuna adierazteko, genozidioa gelditzea eta Israelen kontrako boikota eskatzeko. Eskaera eta aldarri horiek zituzten kartelak eta Palestinako banderak eskuetan zituztela inguratu zuten bidegurutzea beste behin, 18:30ean hasita.
Salaketa
Atzokoan, ordea, beste salaketa bat ere egin zuen Elkar-ekinek, eta elkarretaratzearen ondoren iritsi zen hori.
Izan ere, deitzaileek salatu dute "kalez jantzitako hiru polizia kontzentrazioari argazkiak ateratzen" aritu zirela atzo.
