Kitziki, Rekiem, Karena eta Pertz taldeek kontzertuak eskaini zituzten pasa den zapatu gauean, Sanagustin kulturgunean, musikari gazteak ezagutzera agertu ziren herritarren aurrean.
Arkupehotsak egitasmoaren azken edizioan parte hartu duten taldeek gorpuztu zuten larunbateko ekitaldi kolektiboa, nork bere musika estiloa eskainiz: Rekiem Azpeitiko taldeak metal eta rock doinuak egiten ditu, Kitzikik, berriz, erromeria estiloko emanaldiak eskaintzen ditu. Karena taldeko kideek pop eta folk doinuak eskaintzen dituzte, eta Pertz, berriz, Zumaiako pop-rock taldea da.
Kontzertuetako argazki guztiak Kulturaz kooperatibaren artxibategi digitalean ikus daitezke.