Ugaztun hegalarien kondairak izeneko ipuin kontaketa egin dute gaur, igandea, Ekoetxean. Hainbat familia izan dira Maite Francok kontatu duen ipuina adi-adi entzuten.
Ipuinaren bitartez, Ekoetxeara agertu diren haur eta helduek biodibertsitatea era hezitzaile eta dibertigarrian ezagutzeko aukera izan dute eta, zehazki, saguzarrei buruzko ezaugarrien inguruan ikasi dute.
Maite Franco narratzaileak saguzarren garrantzia nabarmendu du gaurko saioan, ezinbestekoak baitira, besteak beste, izurriteen kontrolerako.
Ipuin kontaketaren ostean, familiek eskulan tailer batean parte hartu dute. Oihal txikietatik abiatuta saguzarrak sortu dituzte.