Sormena eta ekonomia zirkularra uztartzen dituen saio bat egin dute gaur, igandea, Ekoetxean. Hain zuzen ere, plastiko hondakinak baliatuz, arte piezak sortu dituzte bertaratu direnek. Hau da, plastikoa eskuz birziklatzen ikasi dute makina erdi-industrialekin.
Lehenik eta behin, plastikoak planetan duen eraginari buruzko hitzaldi labur bat eman dute, eta plastikoa nola berrerabil daitekeen azaldu dute, objektu berriak diseinatzeko. Ondoren, ekintzara pasatu dira: plastiko birziklatua birrindu dute, eta injekzio makinarekin moldatu dute botoiak, mosketoiak eta irudi geometrikoak sortzeko.