Itsasi euskal kultur taldeak dantza eskolako haurren matrikulazio egunak jakinarazi ditu. Izena emateko egunak irailaren 16a eta 18a izango dira, 17:30etik 19:00etara. 2017an jaiotako haurrentzako edota lehenengo aldiz matrikulatu nahi dutenentzako izango da izen ematea. Izan ere, aurretik dantzan dabiltzan umeen kasuan, Itsasikoek posta elektronikoz helarazi diete gurasoei informazioa.
Bestalde, 16 urtetik gorako edonork dantzan hasteko gogoa izango balu, Itsasikoekin harremanetan jartzera animatu dituzte.