Azpeitiko Udal Liburutegiak zabaldu du LH 3. mailatik LH 6. mailara arteko ikasleei zuzendutako Irakurleen Txokoan izena emateko epea. Gaurtik hilaren 22ra bitartean eman ahal izango dute izena, 943-15 71 95 telefono zenbakira deituta, 688 81 55 06 zenbakira Whatsapp mezua idatzita edo honako formulario hau beteta.
Udal Liburutegian izango dira saioak hilean behin, asteazkenetan, 17:30ean hasita. Dena den, izena ematen duten gaztetxo kopuruaren arabera antolatuko dituzte taldeak.