Bihar, larunbata, X. Azpeitia Hiria xake txapelketa jokatuko dute Azpeitian. Azoka Plazan elkartuko dira herriko eta inguruotako hainbat xake klubetako ordezkariak, aurten hamargarren aldiz jokatuko duten txapelketa lehiatzeko. Azpeitiko Xaputarrak xake taldeak antolatuta arituko dira horiek guztiak.
16:30ean hasiko da lehia han, eta isiltasun giroko kontzentrazio lanean murgildu beharko dute xake jokalariek txapelketaren azken fasera sailkatzeko; izan ere, xake partida azkarrak izango dira biharko lehian jokatuko dituztenak. 20:00 ingururako amaitzea aurreikusi dute antolatzaileek, ordurako jarri baitute sari banaketa ekitaldia.