EAJk irailaren 28an, igandez, egingo du aurtengo Alderdi Eguna, eta Azpeitiko Uri Buru Batzarrak herritarrei hara joateko deia egin die. Forondan (Araba) ospatuko dute jeltzaleek beren eguna, urtero legez, eta Azpeitian hara joateko eta handik itzultzeko autobusa antolatu dute.
Zerbitzu hori baliatu nahi duten herritarrek aurrez izena eman beharko dute azpeitiaubb@gmail.com helbidera mezua idatzita edo alderdikideren batekin harremanetan jarrita. Irailaren 24a, asteazkena, izango da izena emateko azken eguna.
Alderdi Egunean, 09:00etan aterako da autobusa anbulatorioaren aurreko geltokitik Forondara, eta 18:00 inguruan itzuliko da atzera Azpeitira.