Larunbatean Bergaran (Gipuzkoa) izan zen Moises Azpiazuren oroimenezko dantza suelto txapelketa, eta beste garaikur, zapi eta txapel bana sartu zuten Jone Arriaranek eta German Aranburuk garaipenen zakura. Udako bolada itzelari segida ematea lortu zuten dantzari azpeitiarrek.
Dantza txapelketaren 40. edizioa izan zen larunbatekoa, eta zortzi bikotek parte hartu zuten.
Goienaren webgunean ikus daiteke Arriaranek eta Aranburuk saria jaso zuten unearen eta ondoren eskaini zuten dantzaren bideoa.