Eskualdeko produktu ekologikoen sustapena bultzatzeko xedez, laugarran azoka ekologikoa egingo dute datorren ostiral arratsaldean. Biolur nekazaritza ekologikoaren aldeko elkarteak eta Elikaguneak antolatu dute hitzordua.
Azoka Plazan egingo dute azoka, 16:30etik 19:30era bitartean, eta herritarrek askotariko produktu ekologikoak erosteko aukera izango dute. Halaber, umeentzako eskulan tailerrez jolasez, zuzeneko sukaldaritza saioaz nahiz edari eta elikagai ekologikoen dastaketaz gozatu ahalko dute herritarrek.
Hona hemen datorren ostiraleko egitaraua:
- 16:30-19:30. Azoka.
- 17:00-19:00. Ekoizpen duina, kontsumo herrikoia egitasmoa: EKOerrezetak zuzeneko sukaldaritza saioa, Osoa Cooking-en eskutik eta EKOdastaketa Elikagunearen eskutik.
- 17:30-19:30. Gaztetxoentzako jolasak: eskulan tailerra Ametsen Txokoaren eskutik nahiz zurezko plaza jokoak Kalalaren eskutik.