Azken urteetan irailero bezala. Aspanogiren bandera pirata ibiltaria Azpeitiko udaletxeko balkoi nagusira itzuli da. Gaur, asteartea, jarri dute han minbizia duten Gipuzkoako adin txikikoen familien elkartearen ikurra, eta datorren igandera arte egongo da han.
Iraila da, izan ere, haur minbiziaren inguruko sentsibilizaziorako hilabetea, eta beste hainbat ekintzaren artean, Aspanogiren bandera pirata herriz herri dabil hil honetan, "laguntza, ikusgarritasuna eta gertutasuna adierazteko minbizidun haurrei, nerabeei eta haien familiei", udalak azaldu duenez.