Soreasu antzokiko sarrera nagusian ziren ate birakariak kentzen hasi dira gaur udal langileak. Azken hilabeteetan ez dira erabilgarri izan sarrera-irteerako ate horiek, eta herritarrek leihatilaren ondoko atetik egin dituzte antzokiko sartu-irtenak.
Aurrerantzean ere leihatilaren ondoko ate hori izango da antzokirako sarrera nagusia; izan ere, hondatuta zeuden ate horiek ez berritzea eta kentzea erabaki du udalak. Dena den, ate birakariak ziren tokian bestelako ate bat jarriko dute.