Joan da uda, eta iritsi da udazkena, eta hori nabari daiteke dagoeneko tenperaturan. Dena den, astebururako eguraldi ona iragarri dute, eta hala nahi duten herritarrek estali gabeko igerilekuan denboraldiko azken bainuak hartzeko aukera izango dute igande iluntzera bitartean.
Hain zuzen ere, igandean, 20:00etan itxiko dute estali gabeko igerilekua, datorren uda sasoira arte. Ekainaren 2az geroztik izan da irekita, eta aurten, udalak irailaren hondarrera arte zabalik mantentzea erabaki du. Gaur, bihar eta etzi 11:00etatik 20:00etara izango dute herritarrek igerilekura joateko aukera, ohiko legez.