Iazko urtearen amaieran Garmendipeko belar artifizialezko futbol zelaiaren argiztapena berritu zuen udalak. Hain zuzen ere, lau dorreetako fokuak ordezkatu zituen, eta orain, aldaketa horren ondorioak neurtu ditu. Esku artean dituen emaitzen arabera, apiriletik irailera, 457 kilowatt-orduko aurrezpena lortu du. Neurririk hartu ez balu, 1289 kilowatt-ordu izango zen denbora tarte horretako kontsumoa, eta argiztapena berrituta, %35,5 murriztu da kontsumoa.
Erakundearen esanetan, emaitza horrek argi erakusten du hartutako neurria "eraginkorra" dela. Aurrerantzean ere, baliabide energetikoen erabilera "arduratsua eta jasangarria" sustatuko duten neurriak ezartzen jarraituko dutela ziurtatu du udalak.