Gipuzkoako Turismo Zuzendaritzak eta Iraurgi Berritzen garapen agentziak antolatuta, Azpeitia eta Azkoitia bisitatu dituzte gaur, asteazkena, turismoaren sektorean aritzen diren hainbat eragiletako ordezkariek.
Azpeitian hasi dute eguna, Mendietxe museoan Alex Txikon mendizalearen gidaritzapean egin duten bisitarekin. Handik Azkoitira joan dira, Zu ere pilotari esperientzia turistikoa ezagutzera; Ander Ugartek gidatuta egin dute bisita Azkoitiko pilotalekuetan barrena.