Gaur, urriaren 1a, Jubilatuen eta Pentsiodunen Nazioarteko Eguna da, eta euren eguna ospatzen ari dira herriko jubilatuak eta pentsiodunak, Baigerak antolatu duen egitarauari esker. Azoka Plazan bazkaria egin dute dozenaka lagunek, eta bazkalostea girotzeko musika eta dantzarako aukera izango dute bertan.
Hala ere, dena ez da izan festa eta ospakizuna, zer aldarrikatua ere badutelako. Bazkariaren aurretik, elkarretaratzea egin dute plazan gutxieneko pentsioak gutxieneko soldatarekin berdintzeko Herri Ekimen Legegilea Eusko Jaurlaritzak atzera bota izana salatzeko.