Atzo, asteazkena, hasi zuten ikasturtea Sorginarratzak egitasmoko parte hartzaileek. Hainbat sormen diziplina lantzeko LH3 eta LH6 arteko haurrentzako eskaintza herrikoia da, Azpeitiko hiru ikastetxeetako guraso elkarteetako ordezkariek abiatutakoa, Kulturaz kultur kooperatibarekin elkarlanean eta Azpeitiko Udalaren babesarekin.
Antolatzaileen arabera, "harrera ona" izan du eskaintza berriak; 25 haurrek eman dute izena. Aurreratu dute, Sorginorratzakeko parte hartzaileek ikasturtean zehar, Dinamoa sormen guneko Gorputzaren, Irudiaren, Soinuaren eta Hitzaren eremuetan esperimentatzeko aukera izango dutela: "Besteak beste, magia, zirkua, DJgintza, soinu paisaiak, ipuinak, bertso jolasak, argazki laborategia eta arte plastikoak landuko dituzte Sorginorratzakeko gaztetxoek".