Azaroaren 9an, igandez, izango da aurtengo Behobia-Donostia lasterketa, eta urtero legez, Azpeitiko Udalak korrikalariak Behobiako irteerara eramateko autobus zerbitzua eskainiko du. Joaneko zerbitzua soilik izango da erakundeak jarriko duena.
Lasterketaren hasiera puntura autobusean joan nahi duten herritarrek igerilekuan eman beharko dute izena; dagoeneko badago horretarako aukera. 55 lagunentzako lekua izango da autobusean, eta bidaia sei euro ordaindu beharko du herritar bakoitzak.
Probaren egunean 07:30ean aterako da autobusa Azpeititik, anbulatorioaren aurreko geltokitik, Behobiara.