Elkar-ekinen hileroko deialdiak erantzun beroa izan zuen beste behin atzo, eta ehunka lagun elkartu ziren saihesbideko Sanjuandegi pareko bidegurutzean Israel bi urtez Gazan egiten ari den sarraskia salatzeko. Biribilgunea txiki geratuta, errepide ertzetan ere elkartu ziren herritarrak.
Palestinari elkartasuna adierazteaz gain, genozidioa gelditzea eta Israelen kontrako boikota ere eskatu zuten mobilizazioan.
