Feministok Palestinarekin. Israelgo estatu genozida suntsitu leloarekin, Euskal Herriko Mugimendu Feministak mobilizazioak deitu ditu asteburu honetarako hainbat herritan. Azpeitiko Feministen Sareak bat egin du deialdiarekin, eta elkarretaratzera deitu du zapatuan, 12:00etan, plazan.
Israelek Palestinaren kontrako politika kolonialaren indarrak biderkatu zituela bi urte bete diren honetan, Euskal Herriko hainbat herritako plazetatik genozidioaren kontrako oihua zabalduko dute asteburuan beste behin, baita Azpeitian ere. Oraingoan, talde feministek egin dute mobilizatzeko deialdia, eta Israelen aurkako boikot kanpainarekin bat egiteko galdegingo diete erakundeei zein herritarrei.