2025-2026 ikasturteko eskolak ematen hasita daude dagoeneko Azpeitiko Udal Euskaltegian, baina euskara ikasteko zein maila hobetzeko martxan jarri dituzten ikastaroetako talde batzuetan toki batzuk libre dituzte, eta horiek osatzeko, izen ematea ireki dute berriro.
Hain zuzen ere, C1 eta C2 mailetako ikastaroetan bada oraindik tokia, goizeko zein arratsaldeko taldeetan, eta maila horietan eskolak hartzeko interesa duten herritarrek aste honetan eman dezakete izena, ostirala arte, Udal Euskaltegian bertan (Perez Arregi plaza 1-1, Enparan kaletik sarrera), 09:00etatik 18:00etara. Informazio gehiago nahi dutenek 943-81 19 47 telefono zenbakira deitu edo euskaltegia@azpeitia.eus helbidera idatzi dezakete.