Palestinako erresistentziari babesa adierazteko hainbat ekintza egin ditu gaur arratsaldean Azpeitian Urola Erdiko Gazte Koordinadora Sozialistak. Hasteko eta behin, Palestinari babesa adierazteko eta Israelen kontrako mezuekin pankarta txikiak jarri dituzte herriko plazaren bueltan eta argazkiekin erakusketa txiki bat ere muntatu dute arkupeetan. Segidan, hitzaldia izan dute, eta bukatzeko, taldeko argazkia atera ondoren, gitarra doinuan kantatutako abestiekin bukatu dute mobilizazioa. Dozenaka pertsona elkartu dira mobilizazioan.
