Haurrak direnean, anai-arreben arteko gatazkak ia egunerokoak izaten dira, eta askotan, gurasoek ez dute jakiten gatazka horien aurrean nola jokatu. Gai horretaz hitz egiteko, Gipuzkoako Foru Aldundiaren Treba Gurasoak programaren barruan, Anai-arreben arteko gatazkak nola kudeatu? hitzaldia antolatu dute ostegunerako. Mireia Centeno trebatzaileak eskainiko du saioa, 18:00etan hasita, Basazabal jauregian. Doakoa izango da, eta aurretik ez dago izena eman beharrik.
Saio horretan, honako gai hauek landuko dituzte, besteak beste: zergatik sortzen dira gatazkak?; nola lagundu gure seme-alabei beren arteko gatazkak daudenean?; saihestu daitezkeen gatazkak; guraso bezala lagungarriak izan daitezkeen baliabideak; seme-alaba bakoitzaren tokia nola zaindu.
Saioari buruzko informazio gehiago nahi duenak gazteria@azpeitia.eus helbide elektronikora idatzi dezake edota 943-15 71 61 telefono zenbakira deitu.