Katxalin bularreko eta ginekologia arloko minbiziak eragindako Gipuzkoako emakumeen elkartea da, eta hango kideak bularreko minbiziari aurre egiteko dirua biltzen ari dira gaur Azpeitiko plazan. Igandean, urriak 19, Bularreko Minbiziaren Aurkako Nazioarteko Eguna izan zen, baina gaur jarri dute mahaia udaletxeko arkupeetan, azoka eguna dela aprobetxatuz.
Minbiziaren kontrako borrokarako diru ekarpena egiten duten herritarrei xingola arrosa jartzen diete paparrean, baina ez hori bakarrik, mahaira bertaratzen direnei elkartearen inguruko informazioa ere ematen diete. Horrez gain, eta urtero bezala, Gabonetako loteria ere badute salgai. 13:00etara arte egongo dira plazan.
(Argazkiak: Ihintza Elustondo)