Santu Guztien Eguna izango da larunbatean, azaroaren 1ean, eta egunotan ohi baino trafiko handiagoa egongo dela aurreikusita, hilerrirako errepideetan hainbat aldaketa izango direla iragarri du Azpeitiko Udalak.
Txaribarko Errebaletik gorako bidea hilerrira igotzeko noranzkoan soilik izango da irekita; bide hori ezingo da erabili herrigunera jaisteko. Horrenbestez, ibilgailuek Takolo baserritik barrena, Etxe Alai auzunetik igarota, jaitsi ahal izango dute herrigunera. Dena den, Etxe Alaitik hilerrirako bidea bi noranzkoetan egongo da zabalik.
Bihar, asteazkena, jarriko dute trafikoari eragingo dion neurri hori indarrean, eta datorren igandera arte, egun hori barne, mantenduko dute. Halaber, ualak jakinarazi du hilerrira joaten den jendearentzat komun bat ere jarriko dutela.