Mugan eta Sukena taldeek kontzertuak eskainiko dituzte zapatuan Sanagustin kulturgunean. Donostiako eta Oñatiko taldeen kontzertuak 22:00etan hasiko dira, eta sarrerak hamahiru eurotan eros daitezke Kulturaz kooperatibaren webgunean.
Bestalde, gaur jarriko dituzte salgai Latzen taldeak otsailaren 7an Azpeitian eskainiko duen kontzerturako sarrerak; 10:00etatik aurrera eskuratu ahal izango dira horiek Latzen.eus webgunean.
Horrez gain, eskuragarri daude, besteak beste, El Drogasek urtarrilaren 31n eta Komak otsailaren 20an eskainiko dituzten emanaldietarako sarrerak, Kulturazen webgunean.