Azpeitiko Adi Arte eta Diseinu Ikastegiak zeramika lantzeko tailerrak antolatu ditu hil honetarako. Bi saio egingo ditu eskolak azaroan zehar: aurrena, hilaren 15ean, eta bigarrena, hilaren 22an, biak larunbatez. Bi saioak hiru ordukoak izango dira, 10:00etatik 13:00etara bitartekoak, eta amaieran, mokadutxoa egiteko aukera eskainiko dute.
Saio bakar batean parte hartu nahi duenak 35 euro ordaindu beharko du izen ematea; aldiz, bi saioetan trebatu nahi duenak, 55 euro. Ikastegiak jakinarazi du plazak mugatuak direla, eta izena emateko hiru bide zabaldu ditu: Jose Artetxe kaleko 3 zenbakian dagoen egoitzara joan eta izena aurrez aurre emanda, artetadiseinu@gmail.com helbide elektronikora idatzita edo 688 75 18 87 telefono zenbakira deituta.