Joan den astelehenean hasi zituzten Baigera jubilatuen eta pentsiodunen elkarteak antolatuta Jubilatuen Asteko ekintzak. Gaurkoan, arratsaldez, Jexux Mari Mujikaren hitzaldia izan dute Basazabal jauregian. Mujikak bizitzaz eta bizipozerako baldintzez hitz egin du solasaldian.
Hitzaldia bukatutakoan, bai Eguneko Zentrokoek eta bai hala nahi izan duten jubilatuek txokolate beroa hartzeko aukera izan dute Baigera Ien.
Igandera arte segida izango du Jubilatuen Asteak, bihar irteera dute Madariagatik Aittolara eta Aittolan hamaiketakoa egiteko asmoa dute. Igandean, berriz, 11:00etan, hamaiketakoa egingo dute Baigera Ien, eta 12:30ean Baigerako hildako bazkideen aldeko meza izango da parrokian. 14:15ean, berriz, bazkaltzeko elkartuko dira Azoka Plazan, eta 90 urte betetzen dituztenak omenduko dituzte.
