Gipuzkoako odol emaileen elkarteko Azpeitiko ordezkaritzak datorren zapatuan, azaroaren 15ean, egingo du aurtengo aitortza ekitaldia, 25 bider baino gehiagotan odola eman duten herritarren ekarpena aitortzeko eta goratzeko.
Aurten ere Sanagustin kulturgunean egin dute hitzordua, 12:00etan. Denera, hemeretzi herritarri emango dizkiete aurten dagozkien diplomak, iaz baino bat gehiagori: odola 25 aldiz eman duten zazpi herritarri, 40 aldiz eman duen bati, 50 aldiz eman duten zortziri, 60 aldiz eman duten biri eta ehun aldiz eman duen bati egingo diete, hain zuzen, aitortza.
Ohi dutenez, urteroko ospakizun giroan egingo dute ekitaldia. Horrela, diplomak banatu ondoren, ekitaldira joandako guztiek mokaduaz gozatzeko aukera izango dute Sanagustinen bertan.