5 urteko haurrentzako ipuin kontaketa saioa eskainiko du Ixabel Agirresarobek datorren asteazkenean

Julene Frantzesena 2025eko azaroaren 26a

Ixabel Agirresarobe ipuin kontaketa saio batean.

Udal Liburutegian izango da HH 5. mailako umeei zuzendutako saioa. Emanaldira joan nahi dutenek dagoeneko eman dezakete izena; datorren asteartea izango da horretarako azken eguna.

Beste ipuin kontaketa saio bat izango da datorren astean Udal Liburutegian. Haur Hezkuntzako bosgarren mailako ikasleei zuzenduta, Ixabel Agirresarobek eskainiko du saioa, asteazkenean, 17:30ean hasita.

Emanaldira joan nahi dutenek dagoeneko eman dezakete izena liburutegiko 943-15 71 95 telefono zenbakira deituta, 688 81 55 06 telefono zenbakira Whatsapp mezua bidalita edo honako formulario hau beteta; datorren asteartea izango da horretarako azken eguna.

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide