Datorren urtarrilaren 26an bigarrenez izango da Nagore Aranburu Azpeitiko aktorea Pontevedran (Galizia) egiten duten Feroz sarien galan. Aktore protagonistan onenaren saria jaso zuen azken edizioan Querer telesailean egin zuen lanarengatik, eta taldeko aktore onenaren sarirako hautagai izendatu dute berriz, Los domingos pelikularengatik.
Los domingos filmak Urrezko Maskorra irabazi zuen aurtengo Zinemaldian, eta bederatzi izendapenekin lehiatuko da Feroz sarien galan; horietako bat, Aranbururi dagokiona. Azpeitiko aktoreak klausurako moja baten pertsonaia gorpuzten du Alauda Ruiz de Azuaren ikus-entzunezkoan.