Burdinbidearen Euskal Museoak tren historikoen bidaiak antolatu ditu datorren astebururako, abenduaren 6rako eta 7rako. Hain zuzen ere, lau bidaia egingo dituzte trenek Azpeitiko museoaren eta Lasaoko geltokiaren artean. Abenduaren 6an, larunbatez, 12:00etan abiatuko da trena; abenduaren 7an, igandez, berriz, 11:00etan, 12:00etan eta 13:00etan.
Abenduaren 7ko ibilaldiak Zugastieta eta Euzkadi lurrunezko tren makinekin eta Vasco-Asturiana Alsthom 1004 dieselarekin egingo dituzte. Egun horretan, Grafton lurrunezko garabiak eta Espinal lurrunezko tren makinak ere funtzionatuko dute.
Informazio gehiago nahi dutenek 943 15 06 77 telefono zenbakira dei dezakete, edo museoa@euskotren.eus helbide elektronikora idatzi. Bertaratu nahi dutenek honako ordutegi honetan aurkituko dute zabalik museoa: asteartetik larunbatera, 10:00etatik 13:30era eta 15:00etatik 18:30era; eta igande eta jaiegunetan (astelehenetan izan ezik), 10:30etik 14:00etara.