Herria dantzan jarri dute hainbat gaztetxok Itsasi Egunean

Ihintza Elustondo 2025eko azaroaren 29a

Itsasi kultur taldeak bere eguna ospatu du gaur, eta goizean zehar, ikuskizunak eskaini dituzte talde horretako dantzariek herriko hainbat txokotan. Giro polita sortu da.

Itsasi kultur taldeak Itsasi Eguna ospatu du gaur, eta, modu horretan, herria dantzaz alaitu dute beste urte batez hainbat gaztetxok. Dantza ikuskizunak izan dira goizean zehar herriko hainbat txokotan, eta eguerdian bazkaria egin dute.

Hain zuzen, 11:00etan taldeko dantzari txikiak Frontoi Txikian elkartu dira, eta handik abiatuta, Alde Zaharrean hainbat dantza ikuskizun eskaini dituzte, hala nola Perez Arregi plazan, Plaza Txikian, Olazko Amaren plazan eta herriko plazan. Giro polita sortu da dantzarien bueltan. 

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide