Beste behin, Palestinako herriari babesa eta elkartasuna adierazteko nahiz Gazan bizi diren milaka herritarren egoera latza salatzeko, dozenaka lagun elkarretaratu dira Sanjuandegiko biribilgunean, Elkar-ekinen deialdiarekin bat eginda.
Elkar-ekinen arabera Palestinaren alde mobilizatzen jarraitu beharra dago, genozidioak ikusgarritasuna galdu badu ere, Gazako herriaren sufrimenduak jarraitu egiten duelako. "Gaza erabat txikitua dago, eta milaka dira non bizi ez daukatenak, horietako asko, aurretik behar bereziak dituztenak dira: haurrak, adinekoak, zaurituak, osasun arazo larriak dituztenak eta abar", salatu dute.