Biomaterialek ehungintzan eta modan jokatzen duten gero eta rol garrantzitsuagoaz zein naturan dauden baliabideetatik abiatuta material biodegradagarriak sortzen ikasteko aukera izan dute gaur goizean Ekoetxean, Modaren iraultza: biomaterialak familia osoarentzako tailerrean.
"Naturako baliabideekin ehunak eta material ezberdinak sortzea" izan da esperientziaren erronka, Ekoetxeko arduradunek azaldu dutenez. Tailerrean eskuz landu dituzten piezak etxera eraman ahal izan dituzte parte hartzaileek eta, hain zuzen ere, etxean esperimentatzen jarraitzera gonbidatu dituzte. "Gaian gehiago sakontzeko materiala erraztu zaie, esperientziarekin jarrai dezaten".
(Argazkiak: Ekoetxea)
