Abraham Cupeiro musikariak kontzertua eskaini zuen atzo, igandea, Soreasu antzokian. Ahaztutako soinuak izenburudun emanaldian galiziarrak alboan izan zituen Oreka TX, Eñaut Elorrieta, Agus Barandiaran eta Oiasso Kamerata. Antzinako instrumentu hainbat jo zituen Cupeirok, musikariek eta abeslariek lagunduta. Giro bikaina izan zen Soreasu antzokian.
Kulturaz kooperatibaren artxibategi digitalean ikus daitezke atzoko emanaldiko kontzertuak, baita Miniño, Slide eta Indabe taldeek zapatuan Sanagustinen eskaini zituzten kontzertuetakoak ere.