2026ko txanden egutegia prest dute Azpeitiko farmaziek. Datorren urtean ere, farmazia bakarrak egingo ditu urteko gaueko txanda guztiak, eta Odriozola botikari egokitu zaio gaueko zerbitzu hori ematea. Horrenbestez, datorren urtarrilaren 1etik 2026ko abenduaren 31 bitartean, Garmendi auzunean dagoen farmazia egongo da guardian gauero, 22:00etatik hurrengo goizeko 09:00ak arte.
Azpeitiko farmazien guardien gaineko informazioa nahi duenak eskuragarri du, egunero eta eguneratuta, Azpeitiaguka.eus webgunean, Zerbitzuak atalean. Bertan, kontsultako egunetik abiatuta, hiru eguneko guardia guztiak jasotzen dira.