Azpeitiko eta inguruko herrietako bertsozaleek hitzordu ederra izan zuten atzo gauean; izan ere, San Tomas egunaren atarian ohikoa denez, Eusebio Eizmendi Txapel bertsolari zenaren oroimenezko saioa izan zen Soreasu antzokian, Erniarraitz bertsozale elkarteak antolatuta.
Sei bertsolari aritu ziren kantuan: Andoni Egaña, Maialen Lujanbio, Alaia Martin, Julio Soto, Jon Gugurrutxaga eta Naia Arrizabalaga. Eta haiei gaiak jartzeaz Haritz Etxeberria Ministro arduratu zen, baita Erniarraitzeko zenbait bertsolari gaztetxo ere. Horiek agertokira igo ziren bertsolariei puntuak jartzera.