Gaur zabalduko du Azpeitiko Mixio taldeak bidezko merkataritza saltokia. Foru Ibilbideko udal erakusketa aretoan jarri dute denda, eta herritarrek munduko hainbat herrialdetako produktuak eskuratu ahal izango dituzte bertan; besteak beste, apaingarriak, osagarriak eta elikagaiak salduko dituzte urtarrilaren 5era bitartean.
Honako ordutegia izango du Mixio taldearen bidezko merkataritza dendak:
- 18:00-20:00: abenduaren 20an, 22an, 23an, 26an, 27an, 29an eta 30ean eta urtarrilaren 2an eta 3an.
- 12:00-13:30 eta 18:00-20:00: abenduaren 21ean eta urtarrilaren 5ean.
- 12:00-13:30: abenduaren 24an, 28an eta 31n eta urtarrilaren 4an.
- Itxita: abenduaren 25a eta urtarrilaren 1a.