Arrakastaz egiten ari dira aste honetan udaleko Gazteria Sailak antolatutako Gabonetako ekintzak, hirurehun haur eta nerabe inguruk eman baitute izena horietan.
Atzo hasi eta ostiralera bitartean, hainbat ekintzaz gozatzeko aukera dute herriko haur eta nerabeek. Gaur, kasurako, ibilaldia egingo dute adin tarte guztietako taldeek: HH5etik LH2ra bitarteko haurrak Santurtziko (Tximiparkera) joango dira; LH3tik LH6ra bitartekoak Gueñesko Bizkaia Parkera, nerabeak, berriz, Donostiako (Gipuzkoa) Txuri Urdin izotz jauregira.