Urtero bezala, Azpeitiko Udal Musika Bandak Eguberrietako kontzertu berezia eskaini du gaur, 12:30ean hasita, Sanagustinen. Jende ugari bertaratu da kulturgunera Unai Frantsesenak zuzendutako musika emanaldia entzutera.
Gabon giroko piezak jo dituzte bandako musikariek; zehazki, honakoak: Gabonak deika (Mold: Wim Stalman), Birjina maite (Mold: J. M. Altuna), O, gau santua (Mold: Calvin Custer), Gaur da nere kristauak (Mold: J. M. Altuna), Gabon haizeak (Mold: Michael Brown), Hator, hator (Mold: J. M. Altuna), Ole Olentzero (Mold: Jose Ramon Vega), Mari Domingi (Mold: Jose Ramon Vega), Ibilaldia elur leran (Leroy Anderson) eta Oparirik politena (Jose Ramon Vega).