Sarek euskal presoen, iheslarien eta deportatuen eskubideen aldeko manifestazio nazionala antolatu du larunbaterako. Bilbon izango da hitzordua, urteetako ohiturari jarraituz; La Casillatik hasiko da manifestazioa, 17:00etan, Ezin da gehiago luzatu. Konponbidea. Bakea. Elkarbizitza lelopean.
Azpeititik Bilbora joateko eta handik herrira itzultzeko autobusa antolatu dute. Hain zuzen ere, Orkatz eta Niza tabernetan eman daiteke joan-etorria autobusez egiteko izena.