Azpeitiko Korrika batzordeak datorren ostegunean egingo du lehen bilera. Martxoaren 19an Atharratzen (Zuberoa) hasi eta hil horren 29an Bilbon bukatuko da 24. Korrika, eta Azpeititik martxoaren 28an, larunbatez, pasatuko da euskararen aldeko egitasmoa.
Hain zuzen ere, Korrika herritik igaroko den eguna nahiz egitasmoaren bueltako ekintzak antolatzeko sortuko dute batzordea, eta lehen bilkura hurrengo ostegunean izango da, 19:30ean hasita, Dinamoa sormen gunean.