Azpeitiko Korrika batzordeak bihar, ostegunez, egingo du lehen bilera. Martxoaren 19an Atharratzen (Zuberoa) hasi eta hil horren 29an Bilbon bukatuko da 24. Korrika, eta Azpeititik martxoaren 28an, larunbatez, pasatuko da euskararen aldeko egitasmoa.
Korrika herritik igaroko den eguna nahiz egitasmoaren bueltako ekintzak antolatzeko sortuko dute batzordea, eta lehen bilkura bihar egingo dute, 19:30ean hasita, Dinamoa sormen gunean.