Gukak photocall-a jarriko du igandean Azpeitiko plazan, eta herritar guztiek izango dute han argazkia ateratzeko aukera. Gukako kazetariek aterako dituzte argazkiak, eta hurrengo egunean ikusgai egongo dira webgune honetan, astelehenean, alegia.
Aurten, ordea, berrikuntza batekin dator photocall-a. Bertan argazkia atera eta hori Instagram-eko stories-etara @azpeitiaguka aipatuz igotzen duten guztien artean Errigoraren saski bat zozkatuko du Gukak. Argazki hori Azpeitia Gukaren webgunetik hartzeko aukera izango dute bazkideek, eta bestela, argazkia bakoitzak bere gailuarekin ateratzeko aukera ere egongo da. Instagrameko kontu itxia dutenek, berriz, pantaila irudi bat bidali beharko dute Instagrameko zuzeneko mezu bidez. Ostiralean, otsailaren 20an, jakinaraziko du Gukak irabazlearen izena.
Animatu eta atera karnabaletako argazki dibertigarrienak Gukaren photocall-ean!