Eguraldi makurrak eragina izanari du herrian, eta arazoak sortu ditu eguerdian. Goizean, Loiolan bidegorrira zuhaitz bat erori da eta zuhaitza bidetik kendu bitartean pasoa itxita egon da oinezkoentzat eta bizikletazaleentzat.
Eguerdian, berriz, menditik etorritako ur kopuru handiak errepideetan sortu ditu arazoak. Loiolarako saihesbidean, Ikasberriko biribilgunearen parean, errepidea itxi egin behar izan dute trafikoarentzako, bidean erreka sortu delako. Bitartean, trafikoa atzeko errepidetik bideratu behar izan dute. Behin arazoari irtenbidea emanda, 15:30 alderako berriro trafikoarentzako ireki dute Ikasberriko biribilgunea.
Madalena auzoan ere eragin dute euriteek. Menditik ur asko jaitsi da eguerdian, eta auzoan sortu diren puntzuengatik kontu handiz ibiltzeko eskatu dute udaltzainek.