Etzi, asteazkenez, herritarrek odola ateratzeko aukera izango dute Azpeitian, Odol Emaileen Elkarteak egun horretarako jarri baitu otsaileko hitzordua.
16:30etik 20:30era eman ahal izango dute odola Elizkaleko Bizi Berri eraikinaren beheko lokalean (Mendizaleen tabernaren aurrean). Aurrez odola emateko txanda hartu beharko dute herritarrek nahitaez, Gotatanta.org webgunean edota 943-00 78 84 telefono zenbakira deituta.
Elkartekoen arabera, gaur-gaurkoz B- eta AB- odol motetako erreserbak oso maila baxuan daude; A+, A-, O+ eta O- odol motetako erreserbak, aldiz, maila baxuan. Ondorioz, erreserba faltarik egon ez dadin, baldintzak betetzen dituen herritar oro odola ematera deitu dute.